Музейны пакой расчыніў дзверы ў Мінскім дзяржаўным каледжы паліграфіі імя В.З.Харужай
24.10.2023У яго адкрыцці прынялі ўдзел першы намеснік старшыні камітэта па адукацыі Мінгарвыканкама Людміла Барысенка, кіраўнік адміністрацыі Савецкага раёна Мінска Сяргей Хільман, ветэран каледжа Ала Патокская.
Педагогі і навучэнцы гадамі збіралі памятныя фотаздымкі, узнагароды, дакументы, калекцыі баявых лісткоў, рарытэтныя элементы паліграфічнага абсталявання — усю гісторыю каледжа з моманту яго адкрыцця ў 1944 годзе і да нашых дзён. У экспазіцыі прадстаўлены інфаграфіка, экспанаты, створаныя рукамі майстроў і навучэнцаў у розны час. Асаблівая ўвага ўдзелена дзейнасці ўстановы адукацыі ў гады Вялікай Айчыннай вайны.